Bo’limning asosiy vazifalari quyidagilardan iborat:

- yoshlarning ishbilarmonlik qobiliyatlarini rivojlantirish, ularni kichik biznes va xususiy tadbirkorlikka keng jalb etish, tashabbuslarini rag’batlantirish, intellektual salohiyatini ro’yobga chiqarishlariga ko’maklashish;
- kichik biznes va xususiy tadbirkorlik sohasida ma’lumotlarni tahlil qilish, mamlakatimizda yoshlar tadbirkorligini rivojlantirish yuzasidan tizimli takliflarni ishlab chiqish;
- yoshlar o’rtasida tadbirkorlikni ommalashtirish, yoshlarni biznes saboqlariga o’qitish va o’rgatish, ular faoliyatini doimiy monitoring qilib borish, duch kelinayotgan muammolar va to’siqlarni bartaraf etishga ko’maklashish;
- O’zbekiston yoshlar ittifoqi a’zosi bo’lgan yosh tadbirkorlarning huquqlari va qonuniy manfaatlarini himoya qilish, jumladan, davlat va xo’jalik boshqaruvi organlari, mahalliy davlat hokimiyati organlari bilan munosabatlarda, shuningdek sudlarda ishlar ko’rilayotgan paytda ular manfaatini himoya qilish;
- barcha hududlarda tashkil etilayotgan iqtisodiy zonalarda, shaharlarda esa kichik sanoat zonalarida O’zbekiston yoshlar ittifoqining a’zosi bo’lgan yosh tadbirkorlardan ijara haqi olinmaydigan tartibni joriy etish va ular faoliyatini rivojlantirishga ko’maklashish;
- yoshlar orasida kichik biznes va xususiy tadbirkorlikni rivojlantirish hamda innovatsion biznes loyihalarini qo’llab-quvvatlash;
- yangidan faoliyat boshlayotgan yosh tadbirkorlarni joylashtirish uchun biznes tuzilmalar faoliyatini yaratish va tashkil etish hamda ularga biznes-rejalarni tayyorlash, tadbirkorlik faoliyatini amalga oshirish bilan bog’liq zarur axborotlarni olish va amaliy masalalarni hal etishda ekspert, huquqiy va maslahat yordami ko’rsatish;
- innovatsiya tadbirkorligini joriy etishga, “startup” loyihalar, yoshlarning, avvalo oliy va o’rta maxsus, kasb-hunar ta’limi muassasalari bitiruvchilarining o’z biznesini tashkil qilish va yuritishga, shuningdek, yoshlar bandligi va daromadlarining jadal o’sishini ta’minlashga xizmat qiladigan kichik, xususiy va oilaviy tadbirkorlik, kasanachilikning turli shakllarini jadal rivojlantirishga faol ko’maklashish;
- yosh tadbirkorlarga biznes yuritish asoslari, biznes-rejalar tuzish, tadbirkorlik faoliyati sohasida qonunchilik hujjatlari loyihalarini ishlab chiqish, menejment, moliyaviy boshqaruv va boshqa zarur fanlarga o’qitishni tashkil etish bo’yicha tadbirkorlik sub’ektlari uchun o’quv kurslarini ishlab chiqish va o’tkazish;
- biznes-forumlar, ko’rgazmalar va yarmarkalarni tashkil etish va ularda mahalliy yosh tadbirkorlarning keng ishtirokini ta’minlash;
- yoshlarni tadbirkorlikka o’qitish hamda faoliyatini qo’llab-quvvatlashga qaratilgan tadbirkorlik infratuzilmalarini tashkil etish;
- yosh tadbirkorlarning huquqiy savodxonligini oshirish, ularda tadbirkorlik ko’nikmalarini rivojlantirish, respublika bank-moliya, soliq, bojxona va boshqa idoralar vakillari bilan uchrashuvlarini tashkil etishga qaratilgan chora-tadbirlarni amalga oshirish;
- hududlarning ijtimoiy-iqtisodiy imkoniyatidan kelib chiqib yoshlar tadbirkorligini rivojlantirishga qaratilgan kompleks chora-tadbirlar dasturlarini ishlab chiqish va amalga oshirish;
- O’zbekiston yoshlar ittifoqining maqsad-vazifalarini hayotga tadbiq etish, ayniqsa, barcha toifadagi yoshlar, jumladan ish bilan band bo’lmagan va uyushmagan yoshlarni tadbirkorlik faoliyatiga keng jalb etish, yoshlar o’rtasida ishbilarmonlik muhitini yaratish, yoshlarning o’z shaxsiy biznesini tashkil etishni rag’batlantirishga qaratilgan aniq takliflar, tadbirlar rejasi, dasturlari ishlab chiqish va bajarilishini muvofiqlashtirish;
- yoshlar tadbirkorligiga oid statistik ma’lumotlarni olib borish va doimiy tahlil etib borish;
- hududiy bo’limlarning mazkur sohadagi faoliyatini nazorat qilish va muvofiqlashtirish;
- yuqorida ko’rsatib o’tilgan vazifalar ijrosini ta’minlash maqsadida boshqa mutasaddi tashkilotlar bilan yaqindan hamkorlik qilish.

Bo’lim o’ziga yuklatilgan asosiy vazifalardan kelib chiqib:

- yosh tadbirkorlarni ijtimoiy-iqtisodiy jihatdan qo’llab-quvvatlaydi, ularning faoliyatini rivojlantirishga har tomonlama ko’maklashadi, tadbirkorlik sub’ektlari faoliyatini muvofiqlashtirish bo’yicha tegishli chora-tadbirlar ishlab chiqadi va amaliyotga joriy etadi;
- Ittifoqning maqsad-vazifalarini hayotga tadbiq etish yuzasidan aniq takliflar, tadbirlar rejasi, dasturlari ishlab chiqadi va bajarilishini ta’minlaydi;
- Ittifoqning Markaziy Kengashi, Ijroiya qo’mitasi va rahbar organlar yig’ilishlarida ko’rib chiqish uchun bo’limga tegishli masalalar hujjatlari loyihalarini reglament talablari asosida tayyorlaydi, tegishli bo’limga topshiradi;
- Ittifoqning Markaziy Kengashi, Ijroiya qo’mitasi va rahbar organlar yig’ilishlarida qabul qilingan qaror va rejalarning bo’limga tegishli qismlari ijrosini ta’minlaydi, ularning bajarilishi yuzasidan tegishli axborotlar tayyorlaydi;
- bo’lim faoliyati bilan bog’liq ishlarni yuritadi va hujjatlar bilan ishlaydi, bo’lim faoliyat doirasiga tegishli turli yig’ilishlar, ishchi yig’ilishlar va boshqalarda ishtirok etadi;
- yoshlar tadbirkorligini rivojlantirishning ahvolini tadqiq etish bo’yicha Muvofiqlashtirish Kengashi va ekspert komissiyalari, axborot-tahlil materiallari tayyorlash bo’yicha olimlar, mutaxassislardan vaqtinchalik ishchi guruhlar tashkil etadi;
- doimiy ravishda yoshlar tadbirkorligini rivojlantirishga oid izlanishlar o’tkazish, ushbu sohaga oid taklif va muammolarni o’rganib chiqib, tahliliy ma’lumotnomalar tayyorlash, shu asosda aniq chora-tadbirlarni belgilash va hayotga tadbiq etish, ularni hal etishga qaratilgan respublika va mahalliy dasturlarni amalga oshirishda ishtirok etadi;
- bo’lim faoliyati yo’nalishlari bo’yicha Ittifoqning faoliyati, a’zolari, yosh tadbirkorlar, yosh biznes trenerlar hisobi va hisobotini olib boradi, yoshlarga oid statistik va tahliliy ma’lumotlarni to’playdi, tahlil qiladi va yangilab boradi;
- bo’lim faoliyati yo’nalishlari bo’yicha O’zbekiston yoshlar ittifoqi va quyi tizimlar faoliyatiga oid tahliliy hisobotlarni tayyorlaydi;
- bo’lim faoliyati yo’nalishlari bo’yicha turli idora, muassasa va tashkilotlar bilan Ittifoqning munosabatlarini yo’lga qo’yadi, o’zaro aloqalarni tashkil qiladi.

Bo’lim o’ziga yuklatilgan vazifalarni bajarishi uchun quyidagi huquq va vakolatlarga ega:

- Ittifoqning quyi Kengashlaridan bo’limga tegishli turli axborotlar, ma’lumotlarni talab qilib olish;
- bo’limga kelgan hujjat, xat, ariza, shikoyatlarni ko’rib chiqish va ijrosini ta’minlash bo’yicha chora-tadbir belgilash, xulosa, ma’lumot, axborot va boshqalar tayyorlash, tashkilot va fuqarolarga javob xati tayyorlash uchun Ittifoqning quyi Kengashlari va mas’ul xodimlariga yuborish;
- zarur hollarda tadbirlarni tayyorlash va o’tkazish uchun Ittifoqning quyi Kengashlari, ularning mas’ul xodimlari, boshqa tashkilotlar va malakali mutaxassislarni o’rnatilgan tartib-qoidalar, shu jumladan shartnoma asosida jalb qilish.

Funksiya va vazifalari

Yoshlarning zamonaviy kasb-hunarlarni puxta egallashlari uchun munosib sharoitlar yaratadi, bandligini ta’minlaydi, yoshlarni kasbga yo’naltirishshga ko’maklashadi.
Yoshlarni mehnat bozoridagi so’nggi yangiliklar va mavjud bo’sh ish o’rinlari bilan tanishtirib boradi.
Yoshlar bandligini ta’minlash hamda mehnat bozoriga oid qonun hujjatlari ustidan jamoatchilik nazoratini amalga oshirish bilan birga ishsizlik masalasidagi muammolarni hal etishga qaratilgan chora-tadbirlarni amalga oshiradi.

Funksiya va vazifalari

Yoshlarning zamonaviy kasb-hunarlarni puxta egallashlari uchun munosib sharoitlar yaratadi, bandligini ta’minlaydi, yoshlarni kasbga yo’naltirishshga ko’maklashadi.
Yoshlarni mehnat bozoridagi so’nggi yangiliklar va mavjud bo’sh ish o’rinlari bilan tanishtirib boradi.
Yoshlar bandligini ta’minlash hamda mehnat bozoriga oid qonun hujjatlari ustidan jamoatchilik nazoratini amalga oshirish bilan birga ishsizlik masalasidagi muammolarni hal etishga qaratilgan chora-tadbirlarni amalga oshiradi.

Funksiya va vazifalari

Yoshlarni ijtimoiy himoya qilish ko’lamlarini yanada kengaytirish va kuchaytirish, jamiyatda hamjihatlik, ezgulik va mehr-shafqat muhitini qaror toptirish bo’yicha aniq maqsadga yo’naltirilgan chora-tadbirlar kompleksini ishlab chiqadi va amaliyotga joriy etadi.
Ijtimoiy himoyaga muhtoj yoshlar hayot tarzini yaxshilashga ko’maklashish, ularga jamiyatda o’z o’rnini topishlariga imkoniyatlar yaratish va o’zining hayotiy ehtiyojlarini mustaqil ravishda ta’minlash imkoniyatlarini kengaytirish kabi masalalarga ko’maklashadi.
O’sib kelayotgan avlodning shaxsiy ko’nikmalarini rivojlantirish, yoshlarda o’ziga ishonch hissini orttirish, ijtimoiy himoyaga muhtoj yoshlarni ma’naviy qo’llab-quvvatlash, salbiy oqimlarga kirib qolgan yoshlarni sog’lom muhitga qaytarishga ko’maklashish maqsadida O’zbekiston yoshlar ittifoqi qoshida “IMKONIYATI CHEKLANGAN YoSHLAR VA BOLALAR MARKAZI” hamda “YOSHLARGA IJTIMOIY-PSIXOLOGIK YORDAM KO’RSATISH MARKAZI” faoliyati yo’lga qo’yildi.

Funksiya va vazifalari

Xalqaro va xorijiy yoshlar tashkilotlari bilan o’zaro manfaatli hamkorlikni yo’lga qo’yadi. Ilm-fan, adabiyot, musiqa, sport, kinematografiya sohalarida xalqaro hamkorlikni chuqurlashtirishga qaratilgan loyihalarni amalga oshirib boradi.
O’zbekiston yosh ijodkorlarining gastrollari va ko’rgazmalarini tashkil etadi, xorijiy davlatlarda tahsil olayotgan, istiqomat va mehnat qilayotgan yoshlarimizni qo’llab-quvvatlashga qaratilgan loyihalarni amalga oshiradi.
O’zbekiston bilan xorijiy davlatlar o’rtasidagi yoshlar sayyohligini rivojlantirishga ko’maklashadi.

Funksiya va vazifalari

Funksiya va vazifalari

Mamlakatda yoshlar turizmini rivojlantirishning yaxlit kontseptsiyasini shakllantiradi va amalga oshirilishini ta’minlaydi. Yoshlar turizmining tashqi va ichki bozorlarida marketing tadqiqotlarini olib boradi.
Yoshlar orasida O’zbekistonnning tarixiy-madaniy merosini keng targ’ib qilish orqali ularda yurtsevarlik tuyg’usini oshiradi va o’tmish tarix durdonalari bilan tanishtiradi. Milliy turizm mahsulotlari va brendlarining xalqaro turizm bozorlariga kirib borishini ta’minlaydi.
O’zbekiston Respublikasi fuqarolari, fuqaroligi bo’lmagan shaxslar va chet el fuqarolari uchun turizm xizmatlarini ko’rsatish maqsadida O’zbekiston yoshlar ittifoqi qoshida “YOSHLAR TURIZMI AGЕNTLIGI” sho’’ba korxonasi faoliyati yo’lga qo’yildi.

Funksiya va vazifalari

O’zbekiston Respublikasida amalga oshirilayotgan ijtimoiy-iqtisodiy, hamda siyosiy islohotlarning mazmun-mohiyatini yoshlar ongiga chuqur singdirish, mamlakatni yanada demokratlashtirish va yangilash, fuqarolik jamiyatini shakllantirish jarayonlariga yosh avlodning keng jalb etilishini ta’minlashga doir ishlarni amalga oshiradi.
Yoshlarning huquqiy savodxonligini oshirishga qaratilgan tadbirlar va loyihalarni amalga oshiradi, yoshlarga oid qabul qilinayotgan qonun va qonun osti hujjatlari yoshlar o’rtasida muhokamalarini tashkil etib boradi hamda mavjud qonunlarni takomillashtirish yuzasidan takliflar ishlab chiqadi.

Funksiya va vazifalari

Yosh avlodni istiqlol g’oyalariga cheksiz sadoqat, ona Vatanga muhabbat, mamlakatimiz milliy manfaatlarini fidokorona va mardonavor himoya qilish ruhida tarbiyalashga yo’naltirilgan tashkiliy, targ’ibot-tashviqot, ma’naviy-ma’rifiy chora-tadbirlar majmuini ishlab chiqadi va amalga oshiradi.
Yoshlarni ma’naviy barkamol bo’lib voyaga yetishlari hamda ularni turli axborot xurujlari va ommaviy madaniyatning salbiy oqibatlaridan himoya qilish tizimini takomillashtirish, mavjud qonunchilikka zarur o’zgartirishlar kiritish bo’yicha vakolatli davlat organlarga takliflar kiritib boradi.
Mamlakatimizning turli hududlarida ijod qilayotgan, biroq iqtidorini namoyon eta olmayotgan yosh iste’dod egalarini izlab topish, ularni har tomonlama qo’llab-quvvatlash maqsadida O’zbekiston yoshlar ittifoqi qoshida “YOSH IJODKORLAR ASSOTSIATSIYASI” hamda yoshlarning kinematografiya sohasidagi ijodiy faoliyatini birgalikda amalga oshirishlariga ko’maklashish, kino orqali yosh avlod vakillarini vatanparvarlik va milliy qadriyatlarimizga hurmat ruhida tarbiyalash maqsadida “YOSH KINOIJODKORLAR UYUSHMASI” faoliyati yo’lga qo’yildi.

Funksiya va vazifalari

Mamlakatimizdagi ayollar, yosh onalar va qizlarning huquq va manfaatlarini har tomonlama himoya qiladi, ularning dardi va mummolarini o’rganib, mustaqil hayotda o’z o’rinlarini topishi, iste’dodlarini yuzaga chiqarishiga amaliy ko’mak beradi.
Yoshlar o’rtasida erta nikohning salbiy oqibatlarining oldini olish, sog’lom oila muhitini shakllantirish yuzasidan davlat va jamoatchilik tashkilotlari bilan o’zaro hamkorlikni yo’lga qo’yadi.
Ayollar sportini rivojlantirish hamda sog’lom turmush tarzini targ’ib qilishga qaratilgan tadbirlar tashkil etadi.

Funksiya va vazifalari

Ta’lim muassasalaridagi yoshlar bilan samarali ish tashkil etish maqsadida turli loyihalarni tashkil etadi. Maktabdan tashqari ta’lim muassasalari — “Barkamol avlod” bolalar markazlari bilan hamkorlikni tizimli asosda kengaytirib boradi.
O’quvchi va talaba yoshlarni huquq va manfaatlarini qo’llab-quvvatlash hamda ijtimoiy himoya qilishga qaratilgan takliflarni ishlab chiqadi.
Barcha sohalarda iqtidorli va iste’dodli yoshlarni qo’llab- quvvatlash tizimini takomillashtiradi. Maqsadli grantlar va stipendiyalarni taqdim etish bo’yicha tanlovlar o’tkazadi.
Mavjud qonunchilikka zarur o’zgartirishlar kiritish bo’yicha vakolatli davlat organlariga takliflar kiritib boradi.

Funksiya va vazifalari

Yoshlarning turli toifalari, shu jumladan, bolalarning qiziqishlari va o’ziga xos xususiyatlarini e’tiborga olgan holda ta’lim muassasalari va mahallalarda ma’naviy-ma’rifiy tadbirlarni tashkil etadi.
Bolalar va o’smirlar uchun badiiy asarlar yaratish,
ko’rik-tanlovlarni tashkil etish va ularni intilishlarini rag’batlantirishga qaratilgan chora-tadbirlarni amalga oshiradi.
Yoz paytida bolalarning bo’sh vaqtini mazmunli tashkil etish maqsadida, yozgi bolalar sog’lomlashtirish oromgohlari va sihatgohlari faoliyatini samarali tashkil etilishiga ko’maklashadi.

Funksiya va vazifalari

Ta’lim muassasalarida tahsil olayotgan o’quvchilar va talabalar, korxona va tashkilotlar, yosh xodimlar o’rtasida sport musobaqalarini tashkil etadi hamda ularning faol ishtirokini ta’minlaydi. Ommaviy va milliy sport o’yinlari, xalq o’yinlarini rivojlantirishga qaratilgan chora-tadbirlarni amalga oshiradi.
“Ekologik muammolarni bartaraf etishda yoshlarning o’rni” mavzusida konferentsiyalar tashkil etish orqali yoshlarning ekologik madaniyatini shakllantirib, ushbu yo’nalishda ularning faolligini oshirib boradi.
Yoshlar o’rtasida sog’lom turmush tarzi qoidalarini targ’ib qilishga qaratilgan targ’ibot materiallarini ishlab chiqadi hamda tarqatadi.
Respublikamizning barcha tuman va shaharlarida tashkil etilgan Yoshlar markazlarida yoshlarni, ayniqsa uyushmagan yoshlarni bo’sh vaqtlarini mazmunli tashkil etish, yoshlar va bolalar sportini rivojlantirish maqsadida yoshlarning qiziqishlaridan kelib chiqib turli yo’nalishlardagi sport to’garaklarini tashkil etadi.